Rusiya vətəndaşlarına şəxsi smartfon və avtomobillərlə Aİ-yə giriş qadağan edilib
10-09-2023, 14:21
Avropa Komissiyası Rusiya vətəndaşlarının şəxsi smartfon, avtomobil və kosmetika ilə Avropa İttifaqı (Aİ) ölkələrinə girişinə qadağa qoyulduğunu təsdiqləyib.
APA-nın RBC-ya istinadən verdiyi xəbərə görə, bu barədə Avropa Komissiyasının izahında bildirilib
Qeyd edilib ki, qadağa minik avtomobilləri və on nəfərə qədər adamın daşınması üçün nəzərdə tutulmuş avtomobilləri əhatə edir.
Bundan əlavə, ruslara özləri ilə noutbuk, smartfon, zinət əşyaları və hətta şampun kimi şəxsi əşyaları daşımaq qadağan edilib.