Pentaqon ABŞ-ın hərbi-sənaye şirkətləri “Raytheon” və “Lockheed Martin” ilə “Stinger” hava hücumundan müdafiə sisteminin modernləşdirilməsi və dəyişdirilməsi üçün ümumi dəyəri 730 milyon dollardan çox olan iki müqavilə imzalayıb.

"Report"un məlumatına görə, bu barədə Pentaqonun hesabatında deyilir.

“Stinger” raketlərinin təkmilləşdirilməsi və dəyişdirilməsi üçün “Raytheon”la müqavilənin dəyəri 418,3 milyon dollar təşkil edib. İşlər Arizona ştatının Tucson şəhərində aparılacaq və 2028-ci il martın 12-də başa çatacaq.

“Lockheed Martin” ilə müqavilənin məbləği 311,9 milyon dollar olub. Bununla bağlı işlər 2028-ci ilin iyun ayına qədər davam edəcək.