Paşinyan İrəvandakı seçkilərin uğursuzluğuna görə məsuliyyət daşıyanları cəzalandırmaq istəyir.

Bizim.Media xəbər verir ki, bu barədə informasiyanı "Joxovurd" nəşri yayıb.

Mənbə qeyd edib ki, hakim "Vətəndaş müqaviləsi" partiyasının İdarə Heyətinin dünənki iclası qızğın keçib, partiya üzvləri uğursuzluğa görə bir-birini günahlandırıblar.

Paşinyanın fikrincə, uğursuzluğa səbəb silahdaşlarının hərəkətsizliyi olub.

İclasda partiyanın kadr siyasətinin səhv olduğu barədə qərar verilib. Belə çıxır ki, yaxın gələcəkdə bir sıra istefalar gözlənilir.

Bu arada hakimiyyət öz namizədinə mer postunu təmin etmək üçün "Respublika" partiyası ilə koalisiya yaratmaq imkanını müzakirə edir.