“Daha əvvəlki periodlarla müqayisədə hazırda biz Dağlıq Qarabağ münaqişəsinin həllində uğura nail olmağa daha yaxınıq”

Avropa.info xəbər verir ki, bu sözləri Rusiyanın xarici işlər naziri Sergey Lavrov xarici işlər naziri Elmar Məmmədyarovla görüşdən sonra keçiriən birgə mətbuat konfransında deyib.

Azərbraycanın xarici işlər naziri Elmar Məmmədyarov bildirib ki, danışıqlar intensivləşdirilib: “Prezidentin də qeyd etdiyi kimi, indiyə qədər danışıqlar bu qədər sürətli və intensiv olmayıb. Hazırda danışıqlar konkret məsələlər ətrafında, substantiv şəkildə gedir. Ardıcıl, intensiv danışıqlar nəticəsində həllinin tapmamış məsələlərdə müəyyən irəliləyişə nail ola bilərik”.

Sergey Lavrov isə öz növbəsində bəyan edib ki, məlum səbəblərə görə münaqişə ətrafında müzakirə predmetləri ilə bağlı geniş ictimai müzakirələr keçirilmir.

E.Məmmədyarovun sözlərinə görə, Sankt-Peterburq görüşündən sonra Rusiya prezidenti Vladimir Putin Fransa və ABŞ prezidentləri ilə telefon danışığı aparıb:

“Sergey Lavrov da Azərbaycan və Ermənistan səfərlərinin nəticələrini Putinə çatdıracaq. Bundan sonra konkret qərar qəbul ediləcək ki, növbəti addımlar nədir. Bu addımlara prezidentlərin görüşü də daxildir. Görüşün Fransa və ya başqa ölkədə keçirilməsindən asılı olmayaraq, əsas məqsəd odur ki, konkret mövzular ətrafında müzakirə aparılsın. Bu danışıqlar əbədi gedə bilməz”.