“Roskosmos”un rəhbəri Bakıda keçiriləcək Beynəlxalq Astronavtika Konqresində iştirak edəcək

2-10-2023, 08:37           
“Roskosmos”un rəhbəri Bakıda keçiriləcək Beynəlxalq Astronavtika Konqresində iştirak edəcək
Rusiyanın “Roskosmos” dövlət korporasiyasının baş direktoru Yuri Borisovun rəhbərlik etdiyi nümayəndə heyəti Bakıda keçiriləcək 74-cü Beynəlxalq Astronavtika Konqresində iştirak edəcək.

Bu barədə “Roskosmos”un mətbuat xidməti məlumat yayıb.

Qeyd olunub ki, nümayəndə heyəti konqres və sərgi ekspozisiyasının açılış mərasimində, baş direktor isə dünyanın aparıcı kosmik agentliklərinin rəhbərləri ilə müzakirələrdə iştirak edəcək. Burada o, insanlı astronavtika, kosmik tullantılar və çox peyk bürclərinin inkişafı və Yerin məsafədən zondlanması proqramları məsələlərinə toxunacaq.
Bundan əlavə, “Roskosmos” nümayəndə heyəti xarici həmkarları ilə ikitərəfli görüşlər də keçirəcək.












Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.