"İşğal olunmuş Abxaziyada daha bir gürcü vətəndaşı Temur Karbayanın ölümü Rusiyanın işğal etdiyi ərazilərdə əsas insan hüquqlarının kobud şəkildə pozulmasının faciəvi xatırlatmasıdır”.

Bunu Gürcüstan prezidenti Salome Zurabişvili sosial şəbəkə hesabında yazıb.

O xatırladıb ki, faciə dekabrın 10-da, Ümumdünya İnsan Hüquqları Bəyannaməsinin qəbul edilməsinin 75-ci ildönümünün qeyd edildiyi gün baş verib.

Gürcüstan parlamentinin spikeri Şalva Papuaşvili mətbuata açıqlamasında Gürcüstan ərazilərinin Rusiya işğalına son qoyulmasının vacibliyini vurğulayıb:

“İşğal təkcə Gürcüstanın ərazi bütövlüyünün pozulması deyil, həm də hər şeydən əvvəl işğal altında olan rayonlarda insan hüquqlarının pozulması deməkdir".
Mənbə: yenisabah.az