ABŞ Prezidenti Co Bayden Rusiyaya qarşı sanksiyaları sərtləşdirən fərman imzalayıb. Yeniavaz.com xəbər verir ki, fərman ABŞ Maliyyə Nazirliyinə balıq və dəniz məhsullarının xüsusi növlərinin - qızılbalıq, treska, mintay və xərçənglərin idxalına qadağa tətbiq etməyə imkan verib. Fərman əsasən üçüncü ölkələr vasitəsilə ikili istifadə texnologiyalarının tədarükü imkanlarının dayandırılmasına yönəlib və Rusiyaya sanksiyalardan yayınmağa kömək edən Rusiya hərbi-sənaye kompleksi üçün təchizat əməliyyatlarında iştirak edən xarici banklara aiddir. Digər tərəfdən, yeni sənəd Rusiyada istehsal olunan qeyri-sənaye almazlarının, alkoqollu içkilərin, habelə dəniz məhsulları və balıqların ABŞ-a idxalını qadağan edən 11 mart 2022-ci ildə qəbul edilmiş 14068 nömrəli Fərmanı tamamlayır. Bu fərmanda konkret balıq növləri göstərilməyib, onlar yeni sənədə daxil edilib.