Bayden Putinə “qəddar tiran” dedi – "Ukraynanın yanındayıq, geri çəkilməyəcəyik"

27-05-2024, 12:14           
Bayden Putinə “qəddar tiran” dedi –
ABŞ prezidenti Co Bayden Rusiyanın Ukraynaya qarşı başlatdığı müharibədən danışarkən Kremlin rəhbəri Vladimir Putini “qəddar tiran” adlandırıb.

Azpost.info bildirir ki, Amerika prezidenti çıxışı zamanı ABŞ-ın Rusiya ilə müharibədə Ukraynaya sarsılmaz dəstəyini bir daha təsdiqləyib: “Biz Ukraynanın yanındayıq və onun yanında olacağıq. Biz illərdir yaxşı tanıdığım bir insana, qəddar tirana qarşıyıq. Biz geri çəkilməyəcəyik”.

Bayden ABŞ-ın Ukrayna ordusuna silah tədarükünü və təlimlərini davam etdirəcəyini vurğulayıb. Lakin o, ABŞ qoşunlarının Ukraynaya göndərilməsini istisna edib: “Amerika əsgərləri Ukraynadakı müharibədə iştirak etmir. Mən bunu belə davam etdirməkdə qərarlıyam”.

Bayden əlavə edib ki, Putin NATO-nun dağılacağına əmin idi.

“Əvəzində, dünya tarixində ən böyük müdafiə ittifaqı həmişəkindən daha güclüdür” deyə Bayden vurğulayıb.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.