Rusiya XİN rəhbəri qeyd edib ki, Rusiyanın silahları var və onlardan istifadə edilməsi “Ukrayna rejiminin sahibləri üçün ciddi nəticələrə səbəb olacaq”.
Rusiya nüvə müharibəsi istəmir və “qırmızı düymə”nin nə vaxt basılacağı ilə bağlı danışıqları yersiz hesab edir.
Bunu Rusiya xarici işlər naziri Sergey Lavrov “Sky News Arabia” telekanalına müsahibəsində deyib.
O, Rusiya Federasiyasının qırmızı xətlərdən danışarkən bu bəyanatların qərarlar qəbul edən insanlar tərəfindən eşidiləcəyinə ümid etdiyini izah edib.
Onun fikrincə, qərar qəbul edənlər Rusiya tərəfinin nədən danışdığını başa düşür və heç kim nüvə müharibəsi istəmir. Eyni zamanda, XİN rəhbərinin qeyd etdiyi kimi, Rusiyanın silahları var və onlardan istifadə edilməsi “Ukrayna rejiminin sahibləri üçün ciddi nəticələrə səbəb olacaq”. O, bu silahların tam döyüş hazırlığı vəziyyətində olduğunu vurğulayıb.
Daha əvvəl “Politico” analitikləri bildirmişdilər ki, Ukraynanın Qərb tərəfdaşları Rusiya Federasiyası ilə nüvə eskalasiyasından qorxduqlarını açıq şəkildə etiraf etməlidirlər.