ABŞ və Avropa İttifaqı ölkələri Gürcüstan hakimiyyətini parlament seçkiləri zamanı yol verilmiş qanun pozuntuları ilə bağlı araşdırma aparmağa çağırıb.

“Beynəlxalq müşahidəçilər seçkilərin nəticələrini azad və ədalətli kimi tanımayıblar. Biz beynəlxalq normaların bütün pozuntularını pisləyirik ”, - deyə ABŞ dövlət katibi Antoni Blinken bildirib. Onun sözlərinə görə, pozuntular arasında “dövlət resurslarından sui-istifadə və hakim partiyanın hədə-qorxuları” var.

Aİ-nin Xarici İşlər və Təhlükəsizlik Siyasəti üzrə Ali Komissarı Josep Borrell öz növbəsində, son qanunvericilik dəyişikliklərinin səsvermənin nəticələrinə təsir etdiyini söyləyib.

Oxuməni.az