İsrailli jurnalist və aparıcı Denni Kuşmaro İsrail ordusu ilə birlikdə Livanın cənubundakı bir kəndə hücumda iştirak edib.

Denni bu hərəkətinə görə həmkarları tərəfindən tənqid olunub.

Denni Kuşmaronun gülləkeçirməz jilet və dəbilqə taxaraq iştirak etdiyi hücumun görüntüləri Kanal 12 Televiziyasında yayımlanıb. Videoda bir İsrail əsgəri Kuşmaroya partlayıcı qurğunun necə atəşə tutulacağını izah etdikdən sonra deyir ki, qarşıdakı boz binadan İsrailin şimalındakı ərazilərə raketlər atılıb.

Binaya partlayıcılar yerləşdirilərkən, Kuşmaro əvvəlcə dörddən geriyə sayır, sonra binanı partlatmaq üçün düyməni basır. Çoxsaylı jurnalistlər “X” platforması vasitəsilə Kuşmaronu tənqid edərək, davranışını "jurnalistika üçün utanverici" adlandırıblar./Yenisabah.az