İran Xarici İşlər Nazirliyinin sözçüsü deyib ki, ölkəsinin mövqeyi əvvəllər qeyd etdiyimiz kimi qalır.
İran İsrailin öz ərazisinə son zərbəsi fonunda nüvə doktrinasına yenidən baxmağı planlaşdırmır və ona hərbi xarakter vermir. Bu barədə İran Xarici İşlər Nazirliyinin sözçüsü İsmayıl Baqai bildirib.
İsrail Müdafiə Qüvvələri (IDF) oktyabrın 1-də yəhudi dövlətinə edilən hücumlara cavab tədbirləri çərçivəsində İrandakı hərbi obyektlərə zərbələr endirdiyini bildirib.
CBS News telekanalı mənbəyə istinadən xəbər verib ki, İsrailin İrana hücumu yalnız hərbi hədəflərlə məhdudlaşıb, nüvə və neft obyektlərinə şamil edilməyib. İRNA-nın məlumatına görə, İranın neft sənayesi obyektlərindən heç birinə ziyan dəyməyib. İran mediası 4 əsgərin öldüyünü bildirib.
"Kütləvi qırğın silahları ilə bağlı mövqeyimiz bəllidir. Həm ölkəmizin ali siyasi və dini liderinin fətvasına uyğun olaraq, həm də məntiqi qiymətləndirmələrə əsaslanaraq,nüvə proqramının hərbiləşdirməsinin əleyhinəyik. Bizim mövqeyimiz əvvəllər qeyd etdiyimiz kimi qalır", - Baqai həftəlik mətbuat konfransında bildirib.