Böyük siyasi təcrübəsi olan Bayden son zamanlar Trampa əlindən gələn yardımı edir - əslində, Baydenə Demokratlar partiyası çox hörmətsizlik etdi, Harrisin, “mən Bayden olmayacam”, açıqlaması isə kişini lap qəzəbləndirdi. Qəsdən, məncə bəli, qəsdən Trampın tərəfdarlarını “zibil” adlandırdı, bununla da seçkiyə 6-7 gün qalmış Respublikaçılara böyük yaxşılıq etmiş oldu. Hər halda, hələ ki, fəaliyyətdə olan prezident Baydendir, onun komandası hələ də Baydenin sözünə baxır, Harris artıq elan edib ki, qalib gəlsə Bayden Administarsiyasında yer alan hər kəsi dəyişəcək – bu bəyanatdan sonra Bayden komandasının bəzi üzvləri əlini daşın altına qoymaqdan imtina etdilər. Demokratların “ikonası” olan Obama ailəsi belə bu seçkilərdə çox da aktivlik etmədilər, çünki, onlar Harrisi daha çox Klinton ailəsinin namizədi sayırlar.
Çox az vaxt qaldı, Amerika Dünya üçün prezident seçir, bəli, məhz dünya üçün, çünki, daxildə qurulmuş nəzarət və tarazlıq sistemi effektivdir, prezident kafasına görə daxildə davrana bilmir, amma xarici siyasətdə daha sərbəstdir, səlahiyyəti daha çoxdur...
Natig Cəfərli
TEREF