ABŞ vətəndaşlarının çoxu inflyasiyadan narazıdır, buna görə Prezident Co Baydeni günahlandırırlar.

Teleqraf.com xəbər verir ki, bunu ABŞ Nüvə Araşdırmaları İnstitutunun direktoru, professor Piter Kuznik deyib.

“ABŞ-ın çoxsaylı vətəndaşlarının Donald Trampı dəstəkləməsi məni sarsıtdı. Çünki o, miqrantları təhqir edir, onlara "Amerika qanını ləkələyən" insanlar kimi baxır, ağ irqin üstünlüyü prinsipinə sadiqdir, zorakılığa çağırışlar edir, hipermillətçiliyi təbliğ edir, qadınlara qarşı kobud nifrəti ilə tanınır. Amma qalib gələn də o oldu. Çoxsaylı amerikalı inflyasiya və ölkədə həyat səviyyəsini aşağı salan miqrasiyadan narazıdır. Bunun günahını Bayden və Harrisdə görürlər. Demokratların demokratiya və insan ləyaqəti ilə bağlı çağırışları onlar üçün yalnız bir abstraksiyadı”, - professor qeyd edib.