Ulyanov xatırladıb ki, AEBA əməkdaşları pilotsuz uçan aparatın Ukrayna Silahlı Qüvvələrinin mövqelərindən gəldiyini qeydə alıblar ki, bu barədə agentliyin baş direktoru Rafael Qrossi AEBA-nın Rəhbərlər Şurasının iclasında bildirib.
Zaporojye Atom Elektrik Stansiyasında (ZAES) Atom Enerjisi üzrə Beynəlxalq Agenltik (AEBA) əməkdaşlarının növbəli dəyişməsi zamanı Rusiya həmişə tam təhlükəsizlik təminatları və "sükut rejimi" təmin edir. Bunu Rusiya Federasiyasının Vyanadakı beynəlxalq təşkilatlar yanında daimi nümayəndəsi Mixail Ulyanov RİA Novosti-yə bildirib.
Ukrayna Xarici İşlər Nazirliyinin məlumatına görə, guya Rusiya Federasiyasının təhlükəsizlik zəmanətlərinin olmaması səbəbindən AEBA fevralın 5-nə planlaşdırılan Zaporojye AES-də missiyasının rotasiyasını təxirə salmağa məcbur olub.
"Bu da doğru deyil, Rusiya tərəfi AEBA-nın Zaporojye AES-də kadr dəyişikliyi zamanı mütəmadi olaraq tam təhlükəsizlik zəmanəti verir, lakin Ukrayna tərəfi son iki il yarım ərzində bu "sükut rejimini" ən azı üç-dörd dəfə pozub".
O xatırladıb ki, bundan əvvəl dekabrın 10-da Ukraynaya məxsus pilotsuz uçan aparat AEBA-nın şəxsi heyətin daşınması üçün istifadə edilən zirehli maşınına zərbə vurub. Ulyanov xatırladıb ki, AEBA əməkdaşları pilotsuz uçan aparatın Ukrayna Silahlı Qüvvələrinin mövqelərindən gəldiyini qeydə alıblar ki, bu barədə agentliyin baş direktoru Rafael Qrossi AEBA-nın Rəhbərlər Şurasının iclasında bildirib.
Ulyanov daha əvvəl bəyan etmişdi ki, Ukrayna Xarici İşlər Nazirliyinin bəyanatı həqiqətə uyğun deyil.
Bundan əvvəl AEBA-nın baş direktoru Rafael Qrossi dekabrın 10-da Zaporojye AES-ə gedən yolda agentlik ekspertlərinin avtomobilinə pilotsuz təyyarənin hücumu barədə məlumat vermişdi. Onun sözlərinə görə, tələfat olmasa da, maşına ciddi ziyan dəyib. Rusiya Müdafiə Nazirliyi bildirib ki, AEBA müşahidəçilərinin Zaporojye AES-də təhlükəsiz rotasiyasının təmin edilməsi çərçivəsində saat 7.00-dan 19.00-a qədər Rusiyanın Zaporojye vilayətinin Kamensko kəndi yaxınlığındakı dağıdılmış körpüdən müfəttişlərin bütün hərəkət marşrutu boyunca atəşkəs elan edilib.