Ukraynanın keçmiş prezidenti, Ali Radada "Avropa Həmrəyliyi" fraksiyasının lideri Petro Poroşenkonun həyat yoldaşı Marina ərinin aktivlərini həbsdən qorumaq məqsədilə məhkəməyə birgə əmlakın bölgüsünə dair iddia ərizəsi təqdim edib.

Oxu.Az xəbər verir ki, bu barədə Avropa Həmrəyliyi Partiyasının Mətbuat Xidməti məlumat yayıb.

"Əmlak bölgüsünə dair iddia Poroşenko ailəsini Zelenskinin Petro Poroşenkonun Ukrayna Silahlı Qüvvələrinə yardımı və siyasi fəaliyyəti maliyyələşdirmək imkanını əngəlləmək cəhdlərindən qorumaq üçün birgə taktikadır", - deyə bəyanatda bildirilir.