"ABŞ Prezidenti Donald Trampın administrasiyası aydın olmayan məqsədlərlə xaricdə müddətsiz hərbi əməliyyatlara başlamaq niyyətində deyil".

Oxu.Az xəbər verir ki, bu barədə ABŞ-nin Vitse-prezidenti Ceyms Devid Vens TASS agentliyinə açıqlamasında bildirib.

Onun sözlərinə görə, Trampın Yaxın Şərqə səfəri ABŞ-nin digər ölkələrin daxili işlərinə qarışmaq siyasətindən imtina etməsi ilə diqqət çəkib. Vens vurğulayıb ki, Vaşinqton realizmə və ABŞ-nin əsas milli maraqlarının qorunmasına əsaslanan strategiyaya geri dönür.

Vitse-prezident əlavə edib ki, bu, administrasiyanın təhdidlərə məhəl qoymayacağı anlamına gəlmir. Lakin Ağ Ev bu təhdidlərə sistemli şəkildə yanaşacaq və amerikalıları yalnız "çox konkret məqsədlərlə" müharibəyə göndərəcək.