Britaniyanın Mühafizəkarlar Partiyasının yüksək rütbəli üzvləri keçmiş baş nazir Boris Consonla Naydjel Farradjın sağçı İslahat Böyük Britaniya partiyasına meydan oxuya biləcək yeganə şəxs kimi siyasətə qayıtmaq barədə danışmaq üçün “gizli missiya”dadırlar.

Publika.az xəbər verir ki, bu barədə "The Sun" qəzeti məlumat yayıb.

Tabloid yazır ki, partiya hazırda müxalifətdə olan Mühafizəkarların lideri olaraq Kemi Badeniukun yerinə Consona ümid edir.

"Boris Consonun köhnə komandasında olan bəzi şəxslər ona yenidən mesaj yazmağa başlayıblar ki, geri qayıtmasına nail olsunlar", - partiyadakı mənbə bildirib.

Vurğulanıb ki, Mühafizəkarlar Consonun Naydjel Farradj və onun partiyasını “öz üzərinə götürə biləcək yeganə şəxs” olduğuna inanırlar.