“Ukraynanın danışıqların yeni raundu ilə bağlı mövqeyi bəlli deyil”.

Bunu Rusiya Xarici İşlər Nazirliyinin sözçüsü Mariya Zaxarova “Rossiya-1” telekanalında iştirak etdiyi proqramda deyib.

O, Rusiya-Ukrayna sülh danışıqları ilə bağlı açıqlamalar verib:

“Onların mövqeyində aydınlıq yoxdur. Danışıqların tarixi, formatı və məzmunu qarşı tərəfə çatdırılıb. Rusiya nümayəndə heyətinin rəhbəri davamlı olaraq planlarını izah edir. Qarşı tərəfdə isterika var”.

Zaxarova bildirib ki, Rusiyanı Ukrayna ilə danışıqlarda təmsil edəcək nümayəndə heyəti İstanbuldakı danışıqlardakı ilə eyni olacaq.

Xatırladaq ki, Rusiya ilə Ukrayna arasında danışıqlar mayın 16-da İstanbulda Türkiyənin ev sahibliyi ilə keçirilib. Rusiya nümayəndə heyətinə Rusiya Prezidenti Vladimir Putinin müşaviri Vladimir Medinski başçılıq edib.

Rusiyanın xarici işlər naziri Sergey Lavrov dünən Ukraynaya iyunun 2-də İstanbulda danışıqların yeni mərhələsini keçirməyi təklif etdiklərini açıqlayıb.