Ukrayna Prezidenti Volodimir Zelenski Rusiya aviasiyasının bugünkü kütləvi məğlubiyyətini müharibə zamanı ölkənin ən uzun mənzilli əməliyyatı adlandırıb.

TEREF xəbər verir ki, o, "Telegram"kanalında Ukrayna Təhlükəsizlik Xidmətinin rəhbəri Vasil Malyukun hesabatı zamanı çəkilmiş fotoşəkilləri dərc edib.

Prezident uğura görə ona təşəkkür edib, əməliyyatın açıqlana biləcək təfərrüatları və nəticələri barədə ictimaiyyətə məlumat verməyi tapşırıb.

Zelenskinin sözlərinə görə, planlaşdırmanın başlanğıcından əməliyyatın effektiv həyata keçirilməsinə qədər bir il, altı ay və doqquz gün keçib. O qeyd edib ki, əməliyyatl hazırlayanlar vaxtında Rusiya ərazisindən çıxarılıb.

"Əlbəttə, hazırda hər şeyi açıqlaya bilmərik, amma bu, Ukraynanın elə addımlarıdır ki, onlar tarix dərsliklərinə düşəcək. Ukrayna özünü müdafiə edir və tamamilə haqlıdır. Biz hər şeyi edirik ki, Rusiya bu müharibəni bitirmək ehtiyacını hiss etsin. Rusiya bu müharibəni başlatdı, Rusiya buna son qoymalıdır. Ukraynaya həmd olsun!", - Zelenski bəyan edib.(publika.az)