Amerikalı sahibkar İlon Mask Birləşmiş Millətlər Təşkilatının (BMT) maliyyələşdirilməsinin dayandırılmasına çağırıb.
İqtisadiyyat.az xəbər verir ki, bu barədə "Tesla" şirkətinin baş direktoru "X"-də paylaşım edib.

Milyarder bu fikrini BMT-nin baş katibi Antoniu Quterreşin çıxış etdiyi videonu şərh edərkən bildirib. Videoda Quterreş rəqəmsal platformalardan insanların aldadılması və nifrətin təşkili üçün istifadə edildiyini vurğulayıb.

Sözügedən videonu paylaşan istifadəçi isə BMT-nin guya "ifadə azadlığına qarşı müharibə elan etdiyini" iddia edib.

Mask isə paylaşımında qısa şəkildə yazıb: “BMT-nin maliyyəsini kəsin.”

Mart ayında Mask ABŞ-nin NATO və BMT-dən çıxmalı olduğunu bildirən siyasi fəal Günter İqlmanın paylaşımını dəstəkləmiş və repost etmişdi.