Polşa xarici işlər nazirliyi (XİN) başçısının müavini Bartoş Tsixotsiki Rusiyanın bu ölkədəki səfiri Sergey Andreyevə diplomatik nota təqdim edib və 2010-cu ildə Smolenskdə faciənin baş verdiyi əraziyə girişin mürəkkəbləşdirilməsindən narahatlığını ifadə edib. Bu barədə Polşa KİV-i xəbər verib.

Varşava həm də faciə ilə bağlı dövlətlərin qarşılıqlı öhdəliklərini xatırladaraq, Smolenskdə abidənin ucaldılması məsələsini qaldırıb. Nazir müavini qeyd edib ki, hazırda mübahisəli sualların toplandığı bir vaxtda ölkələr arasında müxtəlif səviyyələrdə dialoq olduqca vacibdir.

Xatırladaq ki, 10 aprel 2010-cu il tarixində Polşa nümayəndə heyətinin Katına uçan təyyarəsi Smolensk ətrafında qəzaya uğrayıb. Nəticədə, təyyarənin göyərtəsində olan 96 nəfər həlak olub. Polşanın Prezidenti və arvadı da onların arasında olub.
AzPolitika.info