OPEC və Rusiya hasilatın azaldılmasını 2018-ci ilin sonuna qədər uzatmağa hazırdır

Neft İxrac edən Ölkələr Birliyi (OPEC) və Rusiya, qlobal ehtiyatlarda azalmanın və qiymətlərdə son dövrdə görülən yüksəlişin davam etməsi üçün neft hasilatının azaldılması müqaviləsini gələn ilin sonuna qədər uzatmağa hazırdır.

teref.az yazır ki,"Marja" Bloomberg-ə istinadən xəbər verir ki, Cümə günü (30 Noyabr) Vyanada keçiriləcək toplantıya qatılan nümayəndələrə görə, bütün OPEC üzvləri və qrupa daxil olmayan ən böyük istehsalçı olan Rusiya, müqavilənin 2018-ci ilin sonuna qədər uzadılması zəruriliyi məsələsində razılaşıblar. Hazırkı müqavilənin müddəti 2018-ci ilin Mart ayının sonunda başa çatır.

İraqın neft naziri Jabbar al-Luaibi, "Uzatma müddəti doqquz ay olacaq" deyib.

OPEC və tərəfdaşlarının neft bazarına nəzarəti ABŞ-ın şist nefti istehsalçılarından geri almaq üçün əməkdaşlıq etməyə başladıqları vaxtdan bir il sonra, missiyanın hələ bitmədiyi barədə fikir birliyi var.

Bakı vaxtı ilə saat 08:30-a olan məlumata görə, Brent nefti Londonda ICE Futures Europe birjasında 0,5% yüksələrək bareli 63.43 dollara qalxıb. Qərbi Texas nefti (WTI) Nymex birjasında təxminən 1% bahalaşaraq bareli 57.43 dollara çatıb.