Azərbaycanda dövlət əhəmiyyətli avtomobil yollarının qorunması, saxlanılması və abadlaşdırılması zamanı yol hərəkəti təhlükəsizliyinin təmin edilməsinə cavabdeh qurum dəyişdirilir.



Bununla bağlı "Yol hərəkəti haqqında” qanunun 10-cu (Avtomobil yollarının saxlanılması, qorunması və abadlaşdırılması zamanı yol hərəkəti təhlükəsizliyinin təmin edilməsi) maddəsinin 2-ci bəndinə dəyişiklik edilir.



Dəyişikliyə əsasən, maddənin adında göstərilən hallar üzrə dövlət əhəmiyyətli avtomobil yolları üzrə cavabdehlik müvafiq icra hakimiyyəti orqanına yox, müvafiq icra hakimiyyəti orqanının yaratdığı quruma həvalə edilir.



Layihə Milli Məclisin dekabrın 29-da keçiriləcək iclasında müzakirəyə çıxarılacaq.