“Azərsun”dan “Makromart”ın alınması ilə bağlı - Açıqlama
8-01-2018, 18:53
Hazırda hər hansı bir müqavilə haqqında danışmaq tezdir.
Bunu Axar.az-a açıqlamasında “Azərsun Holdinq”in ictimaiyyətlə əlaqələr və biznesin inkişafına dəstək departamentinin müdiri Afiq Səfərov holdinqin “Makromart” mağazalar şəbəkəsini satın alması barədə yayılan məlumatlara münasibət bildirərkən deyib.
A.Səfərovun sözlərinə görə, hər iki şirkət arasında əməkdaşlıqla bağlı danışıqların aparıldığını bildirib:
”Makromart” mağazalar şəbəkəsi ilə əməkdaşlıqla bağlı danışıqlar gedir, amma hələlik konkret məlumat yoxdur. Əgər tərəflər bununla bağlı razılığa gəlsələr, ətraflı məlumat veriləcək”.
Qeyd edək ki, bu gün bəzi KİV-lərdə “Azərsun Holdinq”in "Makromart” mağazalar şəbəkəsini satın alaraq öz şəbəkəsinə birləşdirdiyi haqda məlumatlar yayılıb.
