AB ölkələrindən sığınacaq istəyənlərin sayında rekord azalma
21-03-2018, 23:06
Avropa Birliyi (AB) ölkələrindən sığınacaq istəyənlərin sayında rekord azalma qeydə alınıb. AzEuroNews.com xəbər verir ki, bu barədə Avropa Statistika Ofisi (Eurostat) məlumat yayıb. Məlumatda deyilir ki, 2017-ci ildə ötən illərlə müqayisədə AB ölkələrindən sığınacaq istəyənlərin sayı 50 % azalıb. Məlumata qeyd edilir ki, 2017-ci ildə 650 min nəfər AB ölkələrindən sığınacaq istəyib. 2016-cı ildə bu rəqəm 1206500 olub.
“Eurostat”ın məlumatında vurğulanır ki, ən çox sığınacaq tələb edənlər suriyalılar, iraqlılar və əfqanlar olublar. Onlar ümumi müraciət edənlərin 30 %-ni təşkil ediblər.
Sığınacaq tələb edilən ölkələrin sırasında birinciliyi isə, yenə Almaniya tutub. 2017-ci ildə bu ölkədən 198300 nəfər sığınacaq istəyib. İkinci yerdə 126600 nəfərlə İtaliya qərarlaşıb.