Kenyanın müxalifət lideri belə bir seçki saxtakarlığının yalnız Azərbaycanda ola biləcəyini deyib

Kenyada avqustun 8-də keçirilən prezident seçkilərinin nəticəsi ilə müxalifət razılaşmayıb. Seçki nəticələrinə görə, hazırkı prezident Uhuru Kenyatta seçicilərin 54,5 % səsini qazanaraq, müxalifətin əsas namizədi Raila Odingaya qalib gəlib. Odinga isə təqribən 45 % səs toplayıb.

Odinga bu nəticələri tanımadığını bildirərək, seçkilərin saxtalaşdırıldığını bildirib. Bundan sonra o, seçki nəticələrinin araşdırılması üçün Ali Məhkəməyə müraciət edib. Ali Məhkəmə qərarını senytabrın 1-də açıqlayacaq.

Müxalifət lideri seçki nəticələrinə etiraz məqsədi ilə avqustun 24-də mitinq keçirib. Çıxışında mövcud hakimiyyəti demokratiyanı əngəlləməkdə, seçki nəticələrini saxtalaşdırmaqda ittiham edən Odinga, Azərbaycanın da adını çəkib:

“Son seçkilərdəki kimi saxtakarlıq yalnız Azərbaycanda seçki qutuları açıldıqdan sonra üzə çıxmışdı. Bu seçkilərlə bizim yeni yaranmağa başlayan demokratiyamız “seçki avtoritarizmi” adlı sistemə çevrilir. Bu sistemdə diktatorlar hər 4-5 ildən bir saxta seçki keçirməklə demokratiya libasına bürünürlər. Biz pisdən, ən pisə doğru gedirik” – Odinga belə deyib.
Aslan