Son vaxtlar müxtəlif peşə və ixtisas sahibləri olan əcnəbilərin Azərbaycanın işğal altındakı torpaqlarına axını güclənib.

Moderator.az xəbər verir ki, bu dəfə polyak bir sahibkar dövlətimizin qanunlarını və sərhədini heçə sayaraq Xankəndinə gəlib.

Söhbət Polşanın “Publicis” şirkətinin rəhbəri Maçeus Lisovksdan gedir. Onun Qarabağa gəlişinin məqsədi “Ərzaq məhsullarının brendinqi” adlı seminarda iştirak etmək olub. Polşalı mütəxəssis gənc erməni sahibkarlara ərzaqların reklam və brendinqinin sirlərini öyrədib.


P.S. Görəsən, Polşa şirkətinin rəhbəri Azərbaycan XİN-in “qara siyahı”sında neçənci olacaq...