Aprelin 27-də Bakıda növbəti Formula 1 yarışları başlayır. Paytaxtda bəzi mərkəzi küçələr isə artıq aprelin 22-dən bağlanıb.

Bu isə şəhər sakinlərinin hərəkətinə təsir edib. Yollarda tıxaclar yaranır, ictimai nəqliyyatda interval artıb, bəzi marşrutlar müvəqqəti ləğv edilib və ya istiqaməti dəyişdirilib.

Bakı Nəqliyyat Agentliyi deyir ki, əhalinin ictimai nəqliyyatdan istifadə etməklə şəhər mərkəzinə gediş-gəlişində müəyyən narahatlıqlar operativ tədbirlərlə aradan qaldırılıb.

Formula 1 dördüncü ildir ki, Bakıda keçirilir.