Bir müddət öncə Bakı Nəqliyyat Agentliyindən işdən çıxarılan 20 vətəndaş deputat Razi Nurullayevə müraciət edərək haqqsızlığa uğradıqlarını bildirmişdilər. Deputat da məsələnin araşdırlılması üçün BNA-nin rəhbəri Vüsal Kərimliyə müraciət etmişdi. Bu gün artıq həmin 20 nəfər öz işlərinə bərpa ediliblər.

Bununla bağlı Razi Nurullayev özü məlumat verib:

"Yadınızdadırsa, Bakı Nəqliyyat Agentliyinin 20 nəfəri işdən çıxarması ilə bağlı mənə müraciət edildiyini yazmışdım. BNA-nin rəhbəri hörmətli Vüsal Kərimli ilə müzakirə etdiyimi də demişdim. Son günlər başım bərk qarışıq olub deyə paylaşmağı unutmuşam. Artıq 20 nəfərin həyacan və probleminə son qoyulub. Onlar işlərinə bərpa ediliblər və mənə təşəkkür də ediblər".

Deputat BNA rəhbərliyinə təşəkkür edib:

"Mən də müraciətimə müsbət yanaşan BNA rəhbərliyinə təşəkkürümü bildirirəm. 20 nəfərin sevinc hisslərinə şərik olmaq nə böyük xoşbəxtlikdir".