Xəbər verdiyimiz kimi Azərbycand yanvarın 18-nə kimi sərt karantin rejimi tətbiq edildiyinə görə market və apteklərdən başqa bir çox ictimai-iaşə obyektlərinin fəaliyyəti dayandırılıb. Sərt krantin rejimi tətbiq edildiyinə görə işsiz vətəndaşlara 190 manat birdəfəlik müavinət veriləcək. Bu gün təklif olunan məsələrdən biri də sərt karantin dövründə kommunal borcların silinməsidir. Azərbaycanda sərt karantin dövründə kommünal borclar silinə bilərmi?

Bununla bağlı Sonxeber.az-a danışan deputat Müşfiq Cəfərov bildirib ki, pandemiya dövründə belə bir təcrübə olmadı:

"Dövlət tərəfindən bilirsiniz ki, işsiz vətəndaşlara sərt karantin rejimi tətbiq edildiyi aylarda 190 manat birdəfəlik müavinətin verilməsi ilə bağlı qərar verildi. Təbii ki, qış aylarında kommunal xərclər daha çox olur. Ancaq bununla bağlı hər hansı qərar yoxdur. 2 aydan sonra soyuq havalar yekunlaşır. Ümumiyyətlə sərt karantin rejimi dövründə kommunal borcların silinməsi məsələsi müzakirə olunmur".