Bərdə rayon, Əyricə kəndində yaşayan, şəhid kəşfiyyatçı MAHHXEHQ Quluyev Mehman Telman oğlunun anası Quliyeva Müşginaz Əhməd qızı tərəfindən. ölkə rəhbəırliyinə müraciət ünvanlanıb. Bir nüsxəsi də DİA.AZ-a daxil olan müraciətdə deyilir:

"Yazıb Sizə bildirmək istəyirəm ki, Bərdə rayon Əyricə kəndi şəhid Quluyev Mehman Telman oğlu 29.03.1992-ci ildə anadan olub. 1998-ci ildə Elçin Abdullayev adına Əyricə kənd orta məktəbinə gedib. 2009-cu ildə orta məktəbi bitirib. 2010-cu ilin aprel ayında hərbi xidmətə gedib, xidmətini Lənkəranda və Astarada sərhəd xidmətində 2004 nömrəli hərbi hissələrdə başa vurub. 2011-ci ilin oktyabrında xidmətdən qayıdandan sonra bir neçə il kənd təsərüfatı ilə məşğul oldu. 2016-cı ilin əvvəlindən Tərtər rayon 057 nömrəli hərbi hissənin kəşfiyyat bölüyündə MAXE kimi işləməyə başladı. Komandirlərinin dediyinə ən güclü kəşfiyatcı olub, bırıncı dərəcəli snayperci olub. 3 il tamamında yerini dəyişib Ağdam 190 nömrəli hissənin kəşfiyyat qrupuna göndərildi.

Bu illər ərzində Murovda, Goranboyda, Ağcakənddə, Tərtər və Ağdam istiqamətlərində ən çətin postlarda düşmən təxribatının qarşısını almışdı. 2-ci vətən müharibəsi başlayan gündən xüsusi təyinatlı kəşfiyatcılar olaraq seçilib, Talışın, Suqovuşanın alınmasında istirak edib. Balı-qaya istiqamətində döyüşdə olub. Komandirinin deyiyi sözlərə görə Mehman gil səssiz 21 erməni postunu 1 gecədə alıblar.

Yas yerinə gələn bütün döyüş yoldaşları Mehmanın Mübariz postunun, Suqovuşanın alınmasında böyük qəhrəmanlıq göstərməsindən ağız dolusu danışırlar.

Dediklərinə görə nələr şəhidimizi, yaralımızı düşmən ağzından alıb qurtarıb, yüzə yaxın qumbaraatan ilə erməni məhf edib, döyüş başlayan vaxt 190 nömrəli hərbi hissədə kəşfiyyat bölüyündə 2-ci tağım 4-cü qrup qumbaratan vəzifəsində olub.

Şəhidimin döyüş yoldaşları hər gələndə göz yaşları tokürlərki Mehmanın haqqı olan qazandığı medallar orden niyə verilməyib. Mənim balamın haqqı olan Mübariz adına, Suqovuşan, Ağdam, Cəsur döyüşçü medalları niyə verilmir.

Son döyüş yolu: 06.10.2020-ci il tarixində Ağdam istiqamətində qəhrəmancasına şəhid olmuşdur. Mən şəhidin anası Quliyeva Müşginaz Əhməd qızı sizdən oğlumu istəmirəm, mən fəxr edirəm ki, oğlum doğma vətən yolunda şəhid olub. Şəhid olanda 3 aylıq körpə qızı qalıb. Sizdən xahişim budurki şəhidimin balasının gələcəyini və şəhidimin əziyyətini qiymətləndirib ona düşən haqqın verilməsinə köməklik edəsiz. Onda mən şəhid anasınında qəlbi rahatlıq tapar".