2014-cü ildə dövlət qeydiyyatına alınan “AZCAPİTAL HOLDİNGS” MMC (VÖEN: 1303747031) ləğv olunaraq “PMD GROUP” MMC-yə qoşulduğunu elan edib.

Yeniavaz.com xəbər verir ki, bu barədə məlumat “Vergilər” qəzetinin rəsmi veb-saytında yer alıb.

Məlumat üçün bildirək ki, nizamnamə kapitalı 1000 manat olan “AZCAPİTAL HOLDİNGS” MMC-nin hüquqi ünvanı “Yasamal rayonu, Nəriman Nərimanov pr., ev 206, mən. 466”-da yerləşir. Qeyd edək ki, bu ünvanda ölkənin aparıcı şirkətlərindən olan “Gilan Holdinq”ə bağlı şirkətlər qeydiyyatda olub.

Onu da bildirək ki, 2013-cü ildən fəaliyyət göstərən “PMD GROUP” MMC də ölkənin başqa bir aparıcı şirkətlərindən olan “Paşa Holdinq” ilə eyni ünvanda – “Neftçilər prospekti ev 153”-də yerləşir. Barəsində Dövlət Vergilər Xidmətinin reyester bölməsində heç bir məlumat olmayan şirkətin rəsmi veb-saytında qeyd olunur ki, “PMD GROUP” aktivlərin idarə olunması, daşınmaz əmlaka investisiya qoyuluşu və əmlakın idarə olunması sahəsində fəaliyyət göstərir.