Azərbaycana kiloqramı 27 dollara düyü idxal olunur – Ölkələrin tam siyahısı

29-11-2022, 09:14           
Azərbaycana kiloqramı 27 dollara düyü idxal olunur –
Xəbər verdiyimiz kimi, Nazirlər Kabinetinin qərarına əsasən Pakistandan Azərbaycana idxal olunacaq düyü 15%-lik gömrük rüsumundan azad ediləcək.
Yeniavaz.com xəbər verir ki, hazırda Pakistandan Azərbaycana idxal olunan düyünün payı digər ölkələrlə müqayisədə aşağıdır.

Bu ilin ilk 9 ayında Azərbaycana xaricdən 43 min ton düyü idxal olunub. İdxal olunan düyünün 936 tonu və ya 2,2%-i Pakistanın payına düşüb.
Ən böyük pay sahibi Hindistan olub. Ümumi düyü idxalının 74%-i və ya 31,7 min tonu Hindistandan gətirilib.
Azərbaycana düyü aşağıdakı ölkələrdən idxal olunub:
Ölkə Ümumi idxal 1 kq-ın dəyəri
Hindistan 31 740,5 min ton 0,92 $
Qazaxıstan 4 874,3 min ton 0,61 $
Rusiya 4 109,2 min ton 0,57 $
Tailand 1 021 min ton 0,75 $
Pakistan 935,5 min ton 0,71 $
Çin 106,1 min ton 0,57 $
Türkiyə 38,8 min ton 1,55 $
Uruqvay 19 min ton 1,1 $
İran 12 min ton 1 $
İtaliya 7,1 min ton 2,5 $
Vyetnam 2,9 min ton 1,1 $
Lüksemburq 2,7 min ton 8,2 $
Rumıniya 2 min ton 0,80 $
Kambociya 0,8 min ton 2,56 $
B. Britaniya 0,62 min ton 2,7 $
Peru 0,02 min ton 2,5 $
Koreya 0,01 min ton 3 $
ABŞ 0,01 min ton 27 $
Açıqlanan məlumatlardan da göründüyü kimi, Pakistandan gətirilən düyünün 1 kiloqramının gömrük dəyəri 71 sent (1,2 manat), Hindistandan gətirilən düyünün 1 kiloqramının gömrük dəyəri isə 92 sent (1,56 manat) olub. Pakistan düyüsü ölkəyə Hindistan düyüsündən 30% daha ucuz daxil olub. 15%-lik gömrük rüsumu ləğv olunduqdan sonra aradakı qiymət fərqi daha çox olacaq.

Məlumat üçün qeyd edək ki, Azərbaycanda düyüyə olan illik tələbat 60 min tondan çoxdur və bunun yalnız 17-18%-i yerli istehsal hesabına təmin olunur.

Onu da bildirək ki, Azərbaycana idxal olunan düyünün 80%-dən çoxu 9 şirkətin – “Veysəloğlu” MMC, “Tamashaee Foods” MMC, “QİDA XXI” MMC, “Best-Tarım” MMC, “Babək” firması – (Babek), “Xudafərin-1” MMC, “Elsaan Group MMC”, “AL market” MMC və “Sun Food” MMC-nin nəzarətindədir.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru