Rayonlarda fantastik qiymətə satılan evlər - VİDEO

15-03-2023, 11:17           
Rayonlarda fantastik qiymətə satılan evlər - VİDEO
Son zamanlar elan saytlarında çox yüksək qiymətə təklif edilən ev satışı elanlarına rast gəlirik. Belə fantastik məbləğlər daha çox rayonlarda satılan evlərlə bağlı olur. Biz də belə elanlardan bir neçəsinin izi ilə yolumuzu 200, 300 minə evlərin təklif edildiyi Göyçay rayondan saldıq.

Sakinlər bildirirlər ki, Göyçayda evlərin qiymətində əvvəlki aylara nisbətən kəskin bahalaşma müşahidə olunur. Onların sözlərinə görə mərkəz hissədə olan torpaqlar və evlərin qiyməti Bakı ilə eynilik təşkil edir. Elə yerlər var ki, orada torpağın sotu 10 min manata satılır.

Maklerlər isə bahalaşmanı son zamanlar Rusiya-Ukrayna savaşı ilə əlaqədar xarici vətəndaşların gəlib rayonda ev almaları ilə əlaqələndirirlər. Maklerlər bildirir ki, bu axın bazara elə təsir edib ki, hətta bir milyona təklif olunan ev də var.

Amma fantastik qiymətlərlə bərabər uyğun qiymətə və bir az da ucuz evlər də almaq mümkündür. Belə evlərin əksəriyyətinin isə ya sənədləri düz deyil, ya da təmirsizdir və ya mərkəzdən uzaqda yerləşir.

Göyçayda 1 ha meyvə bağının qiyməti 80.000 manatdan 100.000 manat arasında dəyiş. Qiymətlərin həm bağların şəhər mərkəzinə yaxınlığı həmdə içərisində olan meyvə ağaclarına görə deyişdiyi bildirilir.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.