Süni intellekt texnologiyalarının diqqətini cəlb edən ən böyük amil olan “ChatGPT” indi məxfilik və təhlükəsizlik məsələlərinin diqqət mərkəzinə çevrilib.

İndex.az xəbər verir ki, “ChatGPT” tərtibatçısı “OpenAI” artan təhlükəsizlik narahatlıqları fonunda Asiyaya yönəlmiş hesabları martın 31-dən etibarən bloklamağa başlayıb.

Hesabları satın almış istifadəçilərin xüsusilə hədəfləndiyi təxmin edilir.

“ChatGPT” Çində rəsmi olaraq mövcud deyil, lakin bəzi Çin e-ticarət platformalarında ChatGPT hesabları paket şəklində satılır və əhəmiyyətli gəlirlər əldə edilir.

“OpenAI” heç bir açıqlama vermədiyi üçün istifadəçilər arasında narahatlıq yaranıb.

İstifadəçilər xüsusilə hesab satın alaraq platformaya daxil olanların bloklandığını düşünürlər.

Hələlik bu bloklayıcı çılğınlığın nə qədər davam edəcəyi məlum deyil.