Qlobal istiləşməyə görə, iqlim 5 dərəcə artsa, Rusiyanın paytaxtı Sibirə köçürüləcək.

Publika.az xəbər verir ki, bu fikri “RİA Novosti”- yə klimatoloq Aleksey Kokorin bildirib.

Onun hesablamalarına görə, 2080-ci ilə qədər planetin temperaturu sənaye öncəsi dövrə nisbətən 2-2,5 dərəcə yüksələcək. Eyni zamanda, Paris Sazişi və bəşəriyyətin digər cəhdləri bu prosesi dayandıra bilməyəcək. Bu, istilik dalğalarının planeti ən azı iki-üç dəfə daha tez-tez əhatə etməyə başlamasına səbəb olacaq.

Kokorin ən pis halda planetdəki temperaturun 4,5-5 dərəcə yüksələ biləcəyini deyib.

“Yəqin ki, yayda Moskvada yaşamaq mümkün olmayacaq. Temperatur həqiqətən də bu qədər artsa, o zaman paytaxt, Krasnoyarsk və ya Novosibirskə köçürülməli olacaq" ekspert deyib.

Bundan əvvəl alimlər qlobal istiləşmə fonunda humanitar fəlakətlərin daha da ağırlaşacağını proqnozlaşdırmışdılar. Mütəxəssislər iqlim dəyişikliyi ilə mübarizə üçün daha çox sərmayə qoyulmasının lazım olduğunu qeyd ediblər.