Aşağıda göstərilən bu şəxslər istehsalatda bədbəxt hadisə və peşə xəstəlikləri nət-də peşə əmək qabiliyyətinin itirilməsi hallarından icbari sığorta müqaviləsi üzrə icbari sığorta olunmalıdırlar:
Hüquqi şəxslə və ya hüquqi şəxs yaratmadan sahibkarlıq fəaliyyəti ilə məşğul olan fiziki şəxslə Əmək Məcəlləsi və ya Mülki Məcəlləyə uyğun olaraq bağlanılmış əmək müqaviləsi və ya mülki-hüquqi müqavilə əsasında əmək funksiyalarını yerinə yetirən şəxslər, dövlət orqanında çalışan dövlət qulluqçuları və dig. işçilər.
Azadlığın məhdudlaşdırılması növündə cəzaya məhkum olunmuş və işləyən şəxslər;
Məcburi dövlət sosial sığortasına cəlb olunan seçkili ödənişli vəzifələrdə işləyənlər (AR Milli Məclisinin və Naxçıvan MR Ali Məclisinin deputatları istisna olmaqla);
İstehsalat təcrübəsi (təlimi) keçən tələbə və şagirdlər;
Müəssisələrdə və təşkilatlarda işə cəlb edilən hərbi qulluqçular;
Təbii fəlakətlərin qarşısının alınmasına və nəticələrinin aradan qaldırılmasına, habelə hərbi və fövqəladə vəziyyət rejimində işlərin yerinə yetirilməsinə cəlb edilən şəxslər;
Fərdi qaydada sahibkarlıq və əmək fəaliyyəti ilə məşğul olan fiziki şəxslər.
Azər Quliyev.
hüquqşunas
Teref.az