Azərbaycan öz torpaqlarını işğaldan azad etdikdən sonra öz yurd-yuvasından didərgin salınmış vətəndaşların yenidən öz doğma torpaqlarına qayıdışı başladı.

“Böyük Qayıdış Dövlət Planı”na əsasən artıq yüzlərlə ailə işğaldan azad olunan rayonlarımıza köçürülüb, öz doğma torpaqlarında yaşamağa başlayıblar. Bildiyimiz kimi, qaçqın və məcburi köçkünlər bir sıra imtiyazlara malikdirlər.

Həmin imtiyazlar sırasında məcburi köçkün statusuna malik vətəndaşların ali təhsil müəssisələrində təhsil haqlarının dövlət tərəfindən ödənilməsi də var. Ötən gün ölkə başçısının imzaladığı sərəncama əsasən yeni tədris ilindən müharibə veteranlarının təhsil haqqı da dövlət tərəfindən ödəniləcək.

Bu sərəncam, həmçinin, Böyük Qayıdış planı hazırda məcburi köçkünlərin təhsil haqlarının dövlət tərəfindən ödənilməsi məsələsini gündəmə gətirib.

Qaçqınların və Məcburi Köçkünlərin İşlıəri üzrə Dövlət Komitəsindən verilən məlumata görə, məcburi köçkünlər güzəşt imtiyazlarından hələ istifadə edirlər, onların imtiyazları dayandırılmayıb. Yəni onların təhsil haqqı hələ də dövlət tərəfindən ödənilir.