Müflis məlumatlarının vahid federal reyestrinin ("Fedresurs”) statistikasına görə, məhkəmələr tərəfindən maliyyə cəhətdən müflis elan edilən rusiyalıların sayı 1 milyonu ötüb.

Qaynarinfo xəbər verir ki, bu barədə RBC rəsmi məlumatlara istinadən yazır.

Rusiyada şəxsi iflas proseduru 2015-ci ilin oktyabrından mövcuddur. Bununla belə, təkcə bu ilin əvvəlindən 249,9 min borclu məhkəmə qərarı ilə müflis elan edilib.
Hər ay 26-30 min insan məhkəmələr vasitəsilə müflis statusu alır. Amma ümumilikdə iflas prosedurlarının artım tempi yavaşlayır: 2020-ci ildə maliyyə cəhətdən müflis olan vətəndaşların sayı 72,6% artıbsa, 2021-ci ildə 62%, 2022-ci ildə isə 44,2% artıb. Bu ilin əvvəlindən artım illik müqayisədə 28,8% təşkil edib.
Fedresurs-un rəhbəri Aleksey Yuxnin bildirir ki, növbəti 1-2 il ərzində məhkəmə müflisləşməsi üçün müraciətlərin sayının artması təxminən 30% olacaq.