Teref xeber verir ki, 13.12.2023- də dərc etdiyimiz "Göycayda 1-ci Vitse- Prezident Mehriban xanım Əliyevanın məskunlaşdırdığı qazi ailəsini kim küçəyə atır? VİDEO/ŞİKAYƏT" məqaləmizə Göyçay Rayon İcra Hakimiyyətindən operativ cavab gəlib.
Göyçay Rayon İcra Hakimiyyətinin cavabını təqdim edirik:
Paylaşımda göstərilən ailə rayonun Yekəxana kənd sakinləri olmaqla Elm və Təhsil Nazirliyinin balansında olan Göyçay şəhər 7 nömrəli uşaq bağçasının inzibati binasında müvəqqəti olaraq məskunlaşmışlar.
Qeyd olunan bağçanın əsaslı təmir olunması ilə bağlı Nazirlik tərəfindən müvafiq qərar qəbul olunduğundan vətəndaşların bağçanın inzibati binasından çıxması barədə xəbərdarlıq edilmişdir.
Həmçinin ailə icazəsiz olaraq məktəbəqədər təhsil müəssisəsinin balansında olan elektrik sayğacına müdaxilə edərək yaşadıqları otağa elektrik xətti çəkmiş və istifadə etdikləri işıq sərfiyyatı bağçanın balansında olan sayğaca borc kimi yazılmışdır.
Qeyd etmək istəyirik ki, ailənin rayonun Yekəxana kəndində fərdi yaşayış evi və torpaq sahəsi vardır.
Göyçay Rayon İcra Hakimiyyəti
Teref. Xocanın Blogu
Səhifəmiz hamnın üzünə açıqdır