“Azərsun Holdinq”in törəmə şirkəti olan “Mamam Chokolate and Bakery” MMC-də qalmaqal yaşanır.
32Gun.az xəbər verir ki, qalmaqala səbəb şirkət rəhbərliyinin Ətrabə Həsənova adlı işçini işdən çıxarması ilə bağlıdır.
Ətrabə Həsənova bu məsələni məhkəmədə mübahisələndirmək qərarına gəlib.
O, işə bərpa və əmək haqqının ödənilməsi ilə bağlı məhkəmə iddiası qaldırıb.
Birinci instansiya məhkəməsi onun iddiasını təmin etməyib.
Ətrabə Həsənova apellyasiya şikayəti verib.
Onun şikayətinə Bakı Apellyasiya Məhkəməsində baxılacaq.
"Mamam Chocolate and Bakery" MMC 2018-ci ildə dövlət qeydiyyatına alınıb. Nizamnamə kapitalı 13 824 794,50 manat olan şirkətin Bakıda böyük istehsalat müəssisəsi mövcuddur.
"Mamam Chocolate and Bakery" müxtəlif növ şokolad və şirniyyat məhsulları ("Choco Art" adlı şokolad, "Choco Time" adlı konfet, "Zoluska" və "Wafi" adlı vaflilər, "Sun Choco" adlı şokolad qlazuru, "Shokki Mokki" , "Cey-Cey", "Choco Bieno", "Vega", "Chocolake", "Schocolatte", "Sun Pralin" adlı şokolad kremləri) istehsal edir.