Oyuncaq şirkəti Mattel, filmin veb saytına keçidi çap etmək əvəzinə, yeni çıxan filmdən uyğunlaşdırılmış oyuncaq qutularının arxasında seksual məzmunlu saytın linkini çap edib.

“Sözcü” qəzeti xəbər verir ki, Mattel qalmaqaldan sonra üzr istəyib.

Oyuncaq şirkəti Mattel, qarşıdan gələn Wicked filmi ilə əlaqədar buraxılan kuklaların qablaşdırmasında səhvən pornoqrafik saytın ünvanını çap edib.

Qutunun arxasında yazılmış sayta daxil olan valideynlər və uşaqlar gözlərinə inanmayıblar. Çox qəzəbli valideynlər qutuların arxasına yazılan mesajı sosial mediada paylaşaraq Matteldən izahat gözlədiklərini bildiriblər.