“Sabunçu və Bakıxanov ərazisində təxminən 230 bina qəzalı vəziyyətdədir”
Bakının Sabunçu və Bakıxanov ərazisində təxminən 230 bina qəzalı vəziyyətdədir.

Bunu Milli Məclisin İctimai birliklər və dini qurumlar komitəsinin sədri Fazil Mustafa parlamentin bugünkü plenar iclasında Nazirlər Kabinetinin 2024-cü ildəki fəaliyyəti haqqında hesabatının müzakirəsi zamanı deyib.

Onun sözlərinə görə, Sabunçu XIX-XX əsrlərdə inşa edilmiş xeyli bina var.

F.Mustafa eyni zamanda vurğulayıb ki, 174 qəzalı vəziyyətdə olan 2-3 mərtəbəli binaların sakinləri məsələyə əncam çəkilməsini gözləyir: “Hətta bəzi sakinlər qurunt suları olan binalarda yaşayır”.