"Avtomobilin sığortası bitmək üzərə olduğu üçün 10 dənə müxtəlif yerdən "WhatsApp" nömrəmə mesajlar gəldi..." "DİA-AZ" xəbər verir ki, bu barədə "Müştəriyəm Şikayətim Var" sosial qrupundakı paylaşımında Samir Əli adlı istifadəçi gileylənir.
Narazı vətəndaş daha sonra bildirir: "Gah Veronika xanım, gah Ayla xanım, gah da Mənsurə xanım... nəisə... Bir az keçdi, bir də gördüm "Atəşgah sığorta"dan sms geldi, filan vaxta kimi ödəniş edin... nə az nə çox 107.59 manat...
Qeyd edim ki, əvvəl də "Atəşgah"da sığorta eləmişdim. Belə başa düşdüm ki hansısa fürsətcil mənim yerimə "Atəşgah sığorta"dan mənim məlumatlarımla qeydiyyatdan keçib...
Özüm girdim "Paşa sığorta" ilə 79.70 manata həll elədim...
İndi bilmək istəyirəm ki bu qiymətlər niyə bu qədər fərqlidir? Və kim menim yerimə qeydiyyatdan keçə bilər?
Qeyd edim ki yol nəqliyyat hadisəsi baş verməyib son 6-7 il ərzində... Keçen il də özüm həll eləmişəm elə 78-80 manat aralığında pul ödəniş etmişdim "Atəşgah sığorta"ya..."