Fransada aparılan bir sıra elmi araşdırmalar və bazar təhlilləri qida təhlükəsizliyi baxımından həyəcanverici nəticələr ortaya çıxarıb.

Demokrat.az xəbər verir ki, neft-kimya həlledicisi olan heksan yağ, yumurta, toyuq ətinə qədər bir çox əsas qidalarda aşkar edilib. Mütəxəssislər bu maddənin insan sağlamlığı üçün ciddi risklər yaratdığı barədə xəbərdarlıq edirlər.

Heksan soya, günəbaxan kimi toxumlardan maksimum yağ məhsulu əldə etmək üçün istifadə edilən neft-kimya həlledicisidir. Bu prosesdən sonra ortaya çıxan “turto” adlanan qalıqlar heyvan yemi kimi istifadə olunur. Bu zəncirlə birlikdə heksanın qalıqları heyvanların bədənlərinə keçir.

Buna görə də, süd, yumurta və ət kimi heyvan mənşəli məhsullarda heksan izləri aşkar edilə bilər.