Bu il mayın 1-nə Azərbaycanda geniş mənada pul kütləsi (M3 aqreqatı) 47 milyard 207,7 milyon manat təşkil edib.

İndex.az Azərbaycan Mərkəzi Bankına istinadən xəbər verir ki, bu, aylıq müqayisədə 1 % çox, ilin əvvəli ilə müqayisədə 1,5 % çox, ötən ilin eyni dövrünə nisbətən 4,3 % çoxdur.

O cümlədən, manatla pul kütləsi (M2 aqreqatı) 35 milyard 438,8 milyon manat olub ki, bu da aylıq müqayisədə 0,3 % az, ilin əvvəli ilə müqayisədə 3,3 % az, ötən ilin eyni dövrünə nisbətən 3,4 % çoxdur.

Hesabat tarixinə tələbli depozitlər (M1 pul aqreqatı) 28 milyard 061,6 milyon manat təşkil edib ki, bu da, aylıq müqayisədə 0,9 % az, ilin əvvəli ilə müqayisədə 5,3 % az, ötən ilin eyni dövrünə nisbətən 0,9 % azdır.

Mayın 1-nə banklardan kənarda olan nağd pul kütləsi (M0 aqreqatı) isə 16 milyard 46,3 milyon manat olub ki, bu da aylıq müqayisədə 0,2 % az, ilin əvvəli ilə müqayisədə 1,2 % çox, ötən ilin eyni dövrünə nisbətən 4,9 % çoxdur.