Türkiyə universiteti birincilərinin mətbuat konfransı keçiriləcək

İyul ayının 7-si saat 11:00-da Beynəlxalq Mətbuat Mərkəzində Türkiyənin bir dünya üniversiteti olan Bahçeşehir universitetini (BAU) birinciliklə bitirən azərbaycanlı məzunların uğurları ilə bağlı mətbuat konfransı keçiriləcək.
Konfransda BAU birincisi, “Altın beyin” mükafatının sahibi Günel Musayeva və universitet üçüncüsü Xeyrənsə Musayeva ilə yanaşı, BAU rəsmiləri də iştirak edəcəklər.
Qeyd edək ki, 106 ölkədən 3200 xarici tələbənin təhsil aldığı BAU-dan bu il 57 ölkə üzrə 288 tələbə məzun olub.
Xatırladaq ki, tam ingilis dilində təhsil verən BAU, Silikon vadisindən Honk-Konqa qədər uzanan 5 universiteti, 5 akademik mərkəzi, 4 dil məktəbi ilə öncül vəqf universitetlərindən biridir.