Xalq artisti Emin Ağalarov keçmiş biznes ortağını məhkəməyə verib.

Yenisabah.az Rusiya mediasına istinadən xəbər verir ki, buna səbəb ortağı Stanislav Vitinskininin Eminin 17 575 000 rubl (təxmini 437 min manat) pulunu qaytarmaması olub. Ortağından borc alan S.Vitinski uzun müddət keçsə də Ağalarovun borcunu qaytarmayıb.

Ağalarov bildirib ki, pulu verməyinə səbəb birlikdə layihə etmələri olub. Layihənin icrası hazırda davam etsə də, Emin işdən ayrılıb. Müğənni mayın sonunda məhkəməyə müraciət edərək keçmiş ortağından şikayət edib. Yaxın günlərdə ilk məhkəmənin keçiriləcəyi bildirilir.