“Bəzi səviyyəsizlər sözlərinizə fikir verin. Sizi tapıb birtəhər edərəm. Ay savadsızlar, sizin ağlınız yoxdur ona prezident nə etsin? Dollar qalxan kimi doluşdunuz marketlərə. Sizin bu hərəkətinizi görüb qiymətləri qaldırdılar. Hər şeyi özünüz etdiniz. Qaraçılar, burada prezidentin nə günahı var? Ağzınıza gələni yazmayın, qara siyahıya atacam”.

Axşam.az-ın məlumatına görə, bu sözləri müğənni Xatirə İslam İnstaqram səhifəsində yazıb. İfaçının bu sözləri sosial şəbəkələrdə tənqid olunub.

Sənətçi əvvəlcə yazdığı təhqirlərin ona aid olmadığını bildirib:

“Mən İnstaqramdan başqa heç bir sosial şəbəkədə yoxam. Kimsə haradasa mənim adımdan nəsə yazıb. Heç hələ də bilmirəm nə yazıblar. Bəzi səviyyəsizlər isə bilmədən mənə təhqirlər yazırlar. Mənə yazdığınız bütün söyüşlər, təhqirlər getsin evinizdəkilərə. İnsan bilmədən başqasına söyməz. Mənim heç nədən xəbərim yoxdur. Ayıb olsun”.

Bir müddətdən sonra isə o, bu ifadələrin ona aid olduğunu boynuna alıb:

“Yadıma düşdü... Mən prezidentin şəklini paylaşmışdım. Bəzi səviyyəsizlər çoxlu təhqirlər və söyüşlər yazmışdı. Mən də onu yazanlara həmin şərhlə cavab vermişdim və əcəb etmişdim, əlimin içindən gəlib. Başqa sözünüz var? Mən onu söyüşlərə cavab olaraq yazmışam”.